collapse
...
Home / వినోదం / ఇంగ్లీషు / O.T.T Mini Series: మిస్టర్ బీన్ నటుడు ఇప్పుడు ఏం చేస్తున్నాడో తెలుసా? - 6TV News : Telugu in News | Telugu News | Latest...

O.T.T Mini Series: మిస్టర్ బీన్ నటుడు ఇప్పుడు ఏం చేస్తున్నాడో తెలుసా?

2022-05-26  Entertainment Desk

Email share linkFacebook share linkGoogle share linkLinkedIn share linkPinterest share linkPrint share linkReddit share linkTwitter share link

Man Vs Bee
 

మిస్టర్ బీన్ ఫేమ్ రోవాన్ అట్కిన్సన్ ప్రధాన పాత్రలో నటించిన నెట్‌ఫ్లిక్స్ కామెడీ సిరీస్ మెన్ వర్సెస్ బీ ( MAN VS BEE).   హౌస్-సిట్టర్‌ పాత్రలో రోవాన్ నటించిన ఈ హిల్లేరియస్ కామెడీ సిరీస్ ట్రైలర్ తాజాగా నెట్ ఫ్లిక్స్ లో రిలీజ్ అయింది. రోవాన్ అట్కిన్సన్‌ని ఒక తేనెటీగ ఎంత అరాచకంగా ఇబ్బందులు పెడుతుందో అనేదే ఈ ట్రైలర్ థీమ్. కోర్టులో దోషిగా జడ్జికి సమాధానం చెప్తున్న రోవాన్ అట్కిన్సన్ షాట్‌తో ట్రైలర్ మొదలవుతుంది. ప్రమాదకరమైన డ్రైవింగ్ఇంటికి నిప్పు పెట్టడంఆస్తులని ధ్వంసం చేయటం వంటి 14   అభియోగాలపై ఫిర్యాదులు రావటంతో కోర్టులో దోషిగా నిలబడతాడు హీరో రోవాన్ అట్కిన్సన్. తనపై వచ్చిన ఆరోపణలకు సమాధానం చెప్పాలంటూ జడ్జి ఆదేశించగా.. నేను అమాయకుడిని.. దీనికి అంతటికి కారణం ఒక తేనెటీగ అంటూ హీరో జడ్జికి సంజాయిషీ ఇవ్వటం నవ్వులు తెప్పిస్తుంది.   

శాపంగా మారిన తేనెటీగ   

అట్కిన్సన్ ఉనికికి శాపంగా మారిన తేనెటీగ ఎపిసోడ్స్ బావుంటాయి. ఒక తేనెటీగ మనిషిని ఏడ్పించే సీన్స్ చూస్తుంటే.. మన రాజమౌళి ఈగ సినిమా ఇండియన్ ఆడియన్స్ కి గుర్తొస్తుంది. విలన్ సుదీప్‌పై ఈగ రూపంలో హీరో నాని రివేంజ్ తీసుకోవటమే ఆ ఈగ కథాంశం అయితే.. మెన్ వర్సెస్ బీలో కూడా అచ్చం ఒక తేనెటీగ పగ పట్టినట్టు హీరో అట్కిన్సన్ ని ఆడుకుంటుంది. మరి తేనెటీగ అలా చేయటం వెనుక ఉద్దేశం ఏంటన్నది మాత్రం ట్రైలర్‌లో ఎక్కడ రివీల్ చేయరు. అయితే మిస్టర్ బీన్ పాత్రతో ప్రపంచ ఆడియన్స్ ని నవ్వుల్లో ముంచెత్తిన తరహాలో మాత్రం ఈ మెన్ వర్సెస్ బీ ఉండదు. మరి అంత భారీ అంచనాలు పెట్టుకుంటే మాత్రం బోల్తాపడినట్టే. ట్రైలర్ జస్ట్ యావరేజ్ అని టాక్ వచ్చేసింది. ట్రైలర్ చూస్తే మనకి కూడా అదే అభిప్రాయం కలుగుతుంది. 

జూన్ 24నుండి నెట్‌ఫ్లిక్స్‌ లో స్ట్రీమింగ్   

గ్రాండ్ పియానోలో తన చేతిని కొట్టడంఅతని మోకాలిని సుత్తితో కొట్టడం, కారును దాదాపుగా ఢీ కొట్టడంతేనెటీగతో అరవటం వంటి అంశాలు ఆర్డినరీగానే ఉంటాయి. ఇక 10 బాగాలున్న ఈ సిరీస్ జూన్ 24నుండి నెట్‌ఫ్లిక్స్‌ లో స్ట్రీమింగ్ కాబోతుంది. హీరో రోవాన్ తన గ్లోబల్ హిట్ మిస్టర్ బీన్‌ను గుర్తుచేసే సైలెంట్ కామెడీని చూపెట్టాలని ప్రయత్నం చేశాడు. చూద్దాం మరి పూర్తి సిరిస్‌లో కామెడీ పండుతుందో లేదో. బ్లాక్‌డాడర్ నటుడుస్క్రీన్ రైటర్నిర్మాత విల్ డేవిస్‌తో కలిసి రోవాన్ అట్కిన్సన్ ఈ సిరీస్‌ని తెరకెక్కించాడు.   రోవాన్‌తో పాటు గ్రీన్ వింగ్జింగ్ లూసీ, జూలియన్ రిండ్-టట్ఆఫ్టర్ లైఫ్ నటుడు టామ్ బాస్డెన్‌లు మెన్ వర్సెస్ బీలో నటించారు.



2022-05-26  Entertainment Desk