Lavanya Tripathi Konidela Photo shoot : పెళ్ళైనా తగ్గేదేలే అందాల రాక్షసి చీరకట్టు అదుర్స్..
మెగా ప్రిన్స్ వరుణ్ తేజ్, యూపీ బ్యూటీ టాలీవుడ్ నటి లావణ్య త్రిపాఠి తమ ఐదేళ్ల ప్రేమాయణానికి ఫుల్ స్టాప్ పెట్టి ఈ మధ్యనే మూడుముళ్ల బంధంతో ఒక్కటయ్యారు. మెగా కుటుంబసభ్యులు, స్నేహితుల సమక్షంలో వీరిద్దరి వివాహం ఇటలీలో ఎంతో గ్రాండ్గా జరిగింది. హైద‌రాబాద్‌లో రిసెప్షన్ను ఘనంగా నిర్వహించారు. పెళ్లి తర్వాత మొదటి దీపావళిని కొణిదెల కోడలు అంగరంగవైభంగా జరుపుకుంది.
ఇప్పుడిప్పుడే పెళ్లి బిజీ నుంచి బయటపడుతున్న లావణ్య త్రిపాఠి రీసెంట్ గా పెళ్లి ఫోటోలను షేర్ చేసి తన ఫ్యాన్స్ను ఖుషీ చేసింది. మరోవైపు వరుణ్ షూటింగ్లతో బిజీ అయిపోయాడు. ఇటు లావణ్య కూడా తగ్గేదేలేదంటూ అద్భుతమైన ఫోటో షూట్లతో సోషల్ మీడియాను షేక్ చేస్తోంది.
మెగా కోడలు లావణ్య త్రిపాఠి పెళ్లి తర్వాత అద్భుతమైన ఫోటో షూట్లతో ఫ్యాన్స్కు పిచ్చెక్కిస్తోంది. మోడ్రన్ దుస్తుల నుంచి ట్రెడిషనల్ అవుట్ ఫిట్స్ వరకు అన్నింటిని ధరిస్తూ బ్యూటీఫుల్ లుక్స్తో నెట్టింట అదరగొడుతోంది. తన అందాల ప్రదర్శనతో అభిమానులను, నెటిజన్లను ఫిదా చేస్తోంది. తాజాగా ఈ బ్యూటీ చీరకట్టులో ఫ్యాన్స్ హృదయాలను కట్టిపడేసింది.
పెళ్లైన తరువాత కాస్త గ్యాప్ తీసుకున్న లావణ్య మళ్లీ సోషల్ మీడియా ద్వారా తన ఫ్యాన్స్ను ఫ్యాషన్తో పలకరిస్తోంది. ఇప్పటికే కొణిదెలవారి కోడలు స్టన్నింగ్ అవుట్ ఫిట్లలో అదిరిపోయే ఫోటోలను నెట్టింట్లో షేర్ చేస్తూ ఆకర్షిస్తున్న విషయం తెలిసిందే. ఈ ఫొటోలు తన ఫాలోవర్స్ను విపరీతంగా ఆకర్షిస్తున్నాయి. వరుస పెట్టి గ్యాప్ ఇవ్వకుండా ఫొటోలతో తన ఇన్స్టాగ్రామ్ను నింపేస్తోంది. గ్లామర్తో అభిమానులను కట్టిపడేస్తోంది.
తాజాగా ఈ సొట్టబుగ్గర సుందరి చీరకట్టులో మెస్మరైజ్ . సంప్రదాయ చీర కట్టులో లావణ్య అచ్చమైన తెలుగమ్మాయిలా ఆకట్టుకుంది. ఎరుపు రంగు చీర కట్టుకుని బ్యూటీఫుల్ స్టిల్స్తో ఇంప్రెస్ చేస్తోంది. ఇప్పటికే లావణ్య తన పెళ్లిలో అందమైన దుస్తులు ధరించి అదరగొట్టింది. అదే ట్రెండ్ ను ఇప్పటికీ కొనసాగిస్తోంది ఈ చిన్నది. లేటెస్టుగా లావణ్య షేర్ చేసిన ఈ చిత్రాలు క్షణాల్లోనే సోషల్ మీడియాలో వైరల్ అవుతున్నాయి. లైక్స్, కామెంట్లతో ఇన్ బాక్స్ నిండిపోతోంది. మెగా కోడలిని ఫాలోవర్స్ పొగడ్తలతో ఆకాశానికి ఎత్తుతున్నారు.
లావణ్య త్రిపాఠి ఈ అందమైన చీరను ప్రముఖ సెలబ్రిటీ ఫ్యాషన్ డిజైనర్ తరుణ్ తహిల్యానీ కలెక్షన్స్ నుంచి సేకరించింది. వేగ శ్రీ గోల్డ్ అండ్ డైమండ్స్ నుంచి జువెలరీ కలెక్షన్ను ధరించి లావణ్య ఎంతో ఉత్కంఠభరితంగా కనిపించింది. ప్రముఖ స్టైలిస్ట్ అశ్విన్ లావణ్య అందాలకు మెరుగులు దిద్దాడు.
అందాల రాక్షసి మూవీతో తెలుగు ఇండస్ట్రీకి పరిచయమైంది లావణ్య త్రిపాఠి. ఈ మూవీకిగాను లావణ్య విమర్శకుల ప్రశంసలను సైతం అందుకుంది. ఈ చిత్రం తరువాత రాధా, మిస్టర్, సొగ్గాడే చిన్నినాయన, లచ్చిందేవికి ఓ లెక్కుంది, శ్రీరస్తూ శుభమస్తు, భలే భలే మగాడివోయి వంటి మూవీస్ చేసింది. లావణ్య చివరిగా ‘హ్యాపీ బర్త్ డే’ మూవీతో తెలుగు ప్రేక్షకులను అలరించింది. ఈ లేడీ ఓరియెంటెడ్ మూవీ ఫరవాలేదనిపించింది. అయితే పెళ్లైన తర్వాత లావణ్య సినిమాలకు విరామం ఇస్తుందనుకున్నారు అందరూ. కానీ అలా జరగలేదు. ఈ బ్యూటీ ప్రస్తుతం తమిళంలో ‘తనాల్’ అనే మూవీలో నటిస్తోంది.
