Why FASTags will not work from April: ఇప్పుడు మన దేశంలో ఉన్న ఫాస్టాగ్ వ్యవస్థ స్థానంలో జీపీఎస్ ఆధారిత ఎలక్ట్రానిక్ టోల్ కలెక్షన్ సిస్టెమ్ని తీసుకురావాలని కేంద్రం ఎప్పటి నుండో ప్రయత్నిస్తున్న విషయం తెలిసిందే. ఈ విషయంపై తాజాగా.. పలు కీలక వ్యాఖ్యలు చేశారు కేంద్ర రోడ్డు, రవాణాశాఖ మంత్రి నితిన్ గడ్కరీ.
అంతే కాదు ఈ ఏడాది ఏప్రిల్ నుంచి ఫాస్టాగ్స్ పని చేయవు అన్న సూచనలు కూడా కనిపిస్తున్నాయి! ఇంకొన్ని నెలల్లో దేశంలో 2024 లోక్సభ ఎన్నికలు జరగనున్నాయి. కాగా.. ఎలక్షన్ కోడ్ అమల్లోకి వచ్చే లోపు దేశవ్యాప్తంగా జీపీఎస్ ఆధారిత ఎలక్ట్రానిక్ టోల్ కలెక్షన్ సిస్టెమ్ని అమలు చేయాలని అనుకుంటున్నట్లు నితిన్ గడ్కరీ తెలిపారు. అంటే.
ఈ కొత్త వ్యవస్థ ఏప్రిల్ నుంచి అమల్లోకి వచ్చే అవకాశం ఉందని వార్తలు కూడా వినిపిస్తున్నాయి. ఇందులో భాగంగానే కేంద్రం ఇప్పటికే ఓ కన్సల్టెంట్ని కూడా నియమించినట్టు చెప్పారు
ఫాస్టాగ్ వ్యవస్థ 2021లో ప్రతి వాహనానికి ఉండాలని కేంద్రం ఆదేశాలిచ్చింది. ఫాస్టాగ్ లేని వాహనదారులు డబుల్ టోల్ కట్టాలని చెప్పుకొచ్చింది. అయితే జీపీఎస్ ఆధారిత ఎలక్ట్రానిక్ టోల్ కలెక్షన్ సిస్టెమ్ని అమలు చేసి, ఫాస్టాగ్ వ్యవస్థని దశల వారీగా తొలగించాలని కేంద్రం యోచిస్తున్నట్టు సమాచారం. దీనికి కారణం కొత్త వ్యవస్థలో.
ఆటోమెటిక్ నెంబర్ ప్లేట్ రికగ్నీషన్ సిస్టెమ్ ఉంటుంది. అంతే కాకుండా వేలపై కెమెరాలు అమర్చి ఉంటాయి. వాహనం ప్రయాణించిన దూరాన్ని బట్టి టోల్ కట్ అవుతూ ఉంటుంది. ప్రస్తుతం ఉన్న ఫాస్టాగ్లు.. ఆర్ఎఫ్ఐడీ ఆధారిత టోల్ కలెక్షన్ సిస్టెమ్ని ఫాలో అవుతున్నాయి. ఇది శాటిలైట్తో ముడిపడిన విషయం అని అందుకని మార్చ్ నాటకి అమలు చేయాలని చూస్తున్నాము,” అని నితన్ గడ్కరీ ఓ సందర్భంలో చెప్పారు. ఇప్పుడు ఇది ఏప్రిల్లో అమలవుతుందని వార్తలు వస్తున్నాయి.
GPS toll collection system process :
వాహనదారుల వెహికిల్ నెంబర్ ప్లేట్ని రహదారులపై ఉన్న కెమెరాలు స్కాన్ చేస్తాయి. ఆ తర్వాత వారి అకౌంట్ నుండి టోల్ ఛార్జీలు కట్ అవుతాయి. వాహనదారుల నెంబర్ ప్లేట్స్ అనేవి టోల్ ఛార్జీలు వసూలు చేసే అకౌంట్స్కి లింక్ అయ్యి ఉంటాయి. ఇందులో ఉండే ఆటోమెటిక్ నెంబర్ ప్లేట్ రికగ్నీషన్ సిస్టెమ్ చాలా కీలకంగ పనిచేస్తుంది.
